• Wodhoo7 Translation

شْنُوَّة مَعْنَاهَا خَلِقْ؟ - جزء 4

Updated: Oct 31, 2019

أنّك تكون عندك فكرة في السينما، مرّة أخرى، ماهيش نفس الحكاية وقت يبدا عندك فكرة في حاجة أخرى. أما فمّة أفكار في السينما ينجّم يكون عندهم قيمة في دومانات أخرين. فمّة أفكار في السينما إلّي ينجمو يكونو أفكار هايلة متع رْوايات. أما ماهيش باش تبقى كيما هي جملة. زيد، فمّة أفكار في السينما إلِّي ما ينجمو يكونو كان في السينما. هذا ما يمنعش، وقت نحكيو على أفكار في السينما ينجّم يكون عندها قيمة في رْواية، هوما بيدهم يكونو ماشين في طريق متع سينما وطريقهم مسطّر بالمسبّق. وإلِّي نقول فيه مهم برشا خاطر طريقة باش نسأل سؤال يهمني: شنوّة إلِّي يخلّي مخرج يحب يصوّر رْواية؟ كان يحب يصوّر رْواية، يعني يظهرلي على خاطر الأفكار إلِّي عندو في السينما لقى كيفهم في الرْواية. ولهنا، تصير برشا لقاءات، كبيرة. راهو موش كيف، مانيش نحكي على مشكل مخرج يصوّر رْواية خايبة. ينجّم يستحق لرْواية خايبة، أما هذا ما يمنعش إلِّي الفيلم يكون باهي. نطرح في سؤال مخلف شويّة، مهم برشا لو كان نحلّلوه الموضوع هذا. أما أنا نسأل سؤال مختلف شويّ، وقت إلِّي الرْواية تكون هايلة ويظهر إلِّي فمّة حاجة تربطها بالسينما وين شخص عندو فكرة في السينما هي نفسها إلّي في الرْواية. واحد من أزْيِنْ الأمثلة، هو كِيرُوزَاوَا. علاش كيروزاوا يلقى روحو موالف ومتفاهم مع شكسبير ودوستويفسكي. علاش لازم يجي واحد جابوني، باش يكون متناغم مع شكسبير ودوستويفسكي؟ لازم نقلكم، خاطر يظهرلي وحسب رايي، وهذي إجابة ما بين ألف إجابة أخرى وتمس زادة شويّة الفلسفة. الشخصيات متع دوستويفسكي، وهذا ينجّم يكون تفصيل صغير آه. في شخصيات دوستويفسكي، تصير حاجة غريبة برشا ديما. ديما داخلين بعضهم. شخصيّة تمشي، تهبط للشارع، هكاكة منغير سبب، وتقول: المرا الفلانيّة نحبها. تانيا تناديلي باش نمنّعها. نمشي نجري، أي نجري، كان ما نمشيشي تانيا تموت." يهبط في الدروج ويقابل واحد صاحبو. ينسى. ينسى جملة إلِّي تانيا تستنى فيه وقاعدة تموت. يبدا يحكي ويقابل صاحبو آخر ويمشي يعمل عندو كاس تايوبعد هكّة منغير مقدمات يقوول: تانيا تستنى فيّ لازم نمشي" شنوّة معناها هذا الكل؟ عند دوستويفسكي، الشخضيات ديما مزروبين، وفي نفس الوقت إلِّي غاطسين فيه في حكايات متع حياة ولاّ موت، يعرفو إلِّي فمّة حاجة أهم، ما يعرفوش شنوّة هيَّ وهذاكة علاش يتبلوكُو. كل شي يصير كايّنو في أصعب ظروف، الدنيا تتحرق، النار باش تاكل الدنيا ولازمني نهرب، نقول لروحي، لا لا فمّة حاجة ما اهم لازم نعملها ومانيش متحرّك ما دامني ما نعرفهاش. هذاكة البهلول، هذاكة كلام البهلول. آه تعرفو، فمّة مشكل أعمق، شنوّة هوَّ؟ ما نعرش، أخطاوني، كل شي ينجّم يتحرق، أما لازم نلقى المشكل الأهم.هذا يتعلمو كيروزاوا من دوستويفسكي، الشخصيات متع كيروزاوا الكل هكّة. نجّم نقول، هذي مقابلة هايلة ومزيانة برشا كان كيروزاوا ينجّم يصوّر رْواية دوستويفسكي، على الأقل عندو حاجة في الشركة معاه.

© 2019 by Wodhoo7. All Rights Reserved

Get notified of our new articles