• Wodhoo7 Translation

شْنُوَّة مَعْنَاهَا خَلِقْ؟ - جزء 2

Updated: Oct 31, 2019

زادة، ما فماش سبب لِلّي نحب نقولو اليوم. ما فمّاش علاش باش نمشي لبعيد. باش نمشي للأسهل: فُونْكِسْيُونْ، شنوّة معناها؟ نحكيو على فُونْكِسْيُونْ وقت يبدا فمّة محاولة متع لمّان زوز مجموعات على الأقل. القاعدة إِلِّي بيها الفايدة في العلم، وموش من البارح أما عندها برشا الحكاية، هي المجموعات. والمجموعة ماهياش كيما المفهوم جِملة وما عندها بيه حتّى علاقة. ومِلِّي تشد مجموعات وتحطهم في علاقة منظمة يولّي عندك فُونْكِسْيُونْ. ووقتها تنجّم تقول: نمارس في العلم. وكان أي حد ينجّم يحكي مع أي حد آخر، لو كان سينمائي ينجّم يحكي مع عالم، وكان عالم ينجم يكون عندو حاجة يحب يقولها لفيلسوف ولاّ العكس. تصير الحكاية في حدود كل عمليّة متع خلق يعملها كل واحد فيهم، موش باش يحكيو على الخلق، على خاطر الخلق حاجة تتعمل وانت وحدك، موش باش يكون فمّة سبب للحديث على الخلق، أما باسم الخلق متاعي عندي حاجة نقولها لحد معيّن. ولو كان نصفَّفْ هالاختصاصات الكل إلّي تتعرّف بوظيفتها متع الخلق، لو كان نصفِّفْهُمْ، توّة نقول إلّي عندهم حد. والحد الي يتشاركو فيه السيريات الكل، هالسيريات متع الخلق –خلق فُنْكِسْيُونْ، خلق بْلُوكْ حركة في الوقت، خلق مفاهيم... – السِّيرٍي الي يتشاركو فيها هاذم الكل ولا الحد متع هاذم الكل، شنوّة؟ هو الوقت في بلاصة معينة. وكان الاختصاصات الكل عندها علاقة مع بعضها، في هاك إِلِّي ما يخرجش جملة لأرواحنا، أما موجود في كل اختصاص متع خلق، بَنْيَانْ الوقت في بلاصة معينة.

© 2019 by Wodhoo7. All Rights Reserved

Get notified of our new articles