• Wodhoo7 Translation

شْنُوَّة مَعْنَاهَا خَلِقْ؟ - جزء 3

Updated: Oct 31, 2019

بْرُوسُونْ، باهي، معروف علّخر. قليل وين فمّة بلايص كاملة عند بْرُوسُونْ. هيَّ بلايِصْ نجمو نقولو عليها مْفَرْكَة. معناها، في تركينة، مثلا، تركينة متع شامبرِي في حبِسْ، وبعد نشوفو تركينة أخرى ولا بلاصة بحذا حيط. كل شي يتعدى كاينّو الفضاء متع بروسون، يظهر كيما سِيرِي متع لقشات صغار إلِّي الاتصال بيناتهم ماهوش مبرمج من قبل. فمّة برشا مخرجين كبار إِلِّي، بالعكس، يستعملو، بلايص بكلها، مانيش نقول إلِّي هكاكة أسهل. الفضاءات، موجودة برشا في السينما، أما نتصوّر إلِّي النوع هذا من الفضاءات، منغير شك، خذاوه وستعملوه برشا بطريقة مبدعة أكثر من ناس أخرين وجدّدو فيه أكثر من بْرُوسُونْ. أما يبقى بروسونْ هوَّ من لولانين إِلِّي خدمو على الفضاء وغزرلولو كيمَا المُورْسُوَاتْ الي ما عندهم حتّى علاقة ببعضهم. معناها لَقْشَاتْ الاتّصال بيناتهم ماهوش مبرمج من قبل.


وقت قلت الي على كل حال، في كل حد متع أي محاولة متع خلق فمّة وقت في بلاصة معيّنة، ما فمّة كان هذاكة. لهنا البْلُوكْ مْتَعْ الحَرْكَة في الَوَقِتْ متع بروسون باش يميلو لهالنّوع متع الفاضاءات. الجواب، موجود. المُورْسُوَاتْ الصغار متع الفضاء إلي نتفرجو فيه، وإلِّي الاتصال بيناتهم ماهوش موجود بالمسبَّقْ، باش تحبّوهم يِتْرَبْطُو؟ بِاليدْ. هذا ماهوش نظري، ماهوش فلسفة، موش استنتاج من الحيط. أما نقول، أنواع الفاضاءات عند بروسون والقيمة إلِّي يعطيها سينمائيا لليِدْ في التصويرة هوما أكيد مربوطين ببعضهم. نحب نقول إلِّي الربط بين لقشات الفضاء متع بروسون، وبما أنهم لقشات، طْروفْ ما همش مربوطين ببعضهم، الربط بيناتهم ما ينجّم يكون كان مانُوِيلْ. من هنا جات قيمة اليد في سينما بروسون. باهي، نجمو نبقاو برشا، خاطر هكّة، البْلُوكْ متع الحركة متع بروسون إلِّي موجودة، تأخذ فورمة إلي خلقها، تولِّي كيما الفضاء الموجودة فيه وإلِّي هو سبيسيال برشا. ما فمّة كان اليد إِلِّي تنجّم تربط بين لقشات الفضاء. بروسون، منغير شك، هوأكبر مخرج نجّم يعاود يدخّل القيمة متع المسّانْ، موش على خاطرو يعرف يصوّر مليح اليد. أما، كان يعرف يصوّر مليح اليدين يعني أنّو يستحقلهم.


الخالق، موش حد يخدم على الجو. الخالق ما يعمل كان إِلِّي حاشتو بيه علّخر.

© 2019 by Wodhoo7. All Rights Reserved

Get notified of our new articles