• Wodhoo7 Translation

شْنُوَّة مَعْنَاهَا خَلِقْ؟ - جزء 5

Updated: Oct 31, 2019

شخصيّات كيروزاوا، هوما في نفس الوضعيّة (كيما شخصيات دوستويفسكي)، موجودين في وضعيات مستحيلة. لازم نعرف شنوّة هو المشكل؟ يمكن فيلم "عيش" هو من الأفلام متع كيروزاوا إلّي تمشي في الطريق هذا للخر، لا محالة أفلامو الكل هكّة. السبعة ساموراي، الحكاية هذي تبهتني برشا أنا، خاطر الفضاء متع كيروزاوا الكل واقف عليها. بالسيف فمّة فضاء كالعضمة مكعبر والمطر تصب عليه، على كل موش مهم، هذا باش ياخذلنا برشا وقت كان نفسروه، وباش في لخر نطيحو في الحد متع الوقت في بلاصة معيّنة. أما في السبعة ساموراي، ديما موجودين في حالات متع زربة، قبلو باش يحميو الفيلاج، وبعد هكّة، أمخاخهم ما فيها كان سؤال واحد أعمق. فمّة سؤال أعمق في هذا الكل. وباش تتقال في لخر، باش يقولها الشاف متاعهم وقت باش يمشيو، "شنوّة معناها ساموراي؟" شنوّة معناها ساموراي، موش في المطلق هكاكة، أما شمعناها سامواري في العصر هذاكة. واحد ما عندو حتّى قيمة ولا منفعة. الأعلراف ما عادش حاشتهم بيهم، الريفيين باش يتعلمو يدافعو على رواحهم. وعلى طول الفيلم،رغم إلِّي الوضعيّة صعيبة، الساموراي مسكونين بالسؤال هذا إلي هوَّ سؤال متع بهلول: نحن شكون؟


فكرة في السينما، تنجم تكون من النّوع هذا. تنجمو تقولولي لا خاطرها موجودة في رْواية. فكرة في السينما، من النوع هذا، اذا كانها محطوطة في ثنيّة متع سينما.وتنجمو تقولو هنا، جاتني الفكرة رغم إلِّي متسلفينها من عند دوستويفسكي. نفس الحكاية، نسمي فيسع، نتصوّر إلِّي الفكرة بسيطة، مرّة أخرى موش مفهوم، ماهيش فلسفة. المفهوم حاجة أخرى. من كل فكرة نجمو نخرجو مفهوم، أما نخمّم في مينلّي ، والفكرة الهايلة متاعو على الحِلِمْ. فكرة بسيطة علّخر. وموجودة في ثنيّة متع سينما في خدمة مِينِلِّي الكُلْ. فكرتو على الحلم، حسب رايي، إلِّي هو يهم، قبل كل شي، الناس إلِّي ما تحلمش. علاش هذا يهمهم؟ على خاطر ملّي يكون فمّة حلم متع انسان آخر، فمّة خطر. معناها الحلم متع الناس ديما عندو نسبة كبيرة باش يباعنا ويغمنا. لخرين يحلمو يعني فمّة خطر، الحلم شهوة متع سيطرة وفكّان سلطة وقوّة، كل حد فينا هو ضحيّة في حلم انسان آخر، حتّى لو كان بنيّة صغيرة، راهي تبلع وتخوّف، موش بروحها، أما بحلمها. ردو بالكم من حلم الناس لخرين. خاطر كان تتشدو في حلمات الناس لخرين، مشيتو فيها.

© 2019 by Wodhoo7. All Rights Reserved

Get notified of our new articles