• Wodhoo7 Translation

شْنُوَّة مَعْنَاهَا خَلِقْ؟ - جزء 6

Updated: Oct 31, 2019

جثّة


ولاّ نجّم نحكي على مثال آخر، فكرة متع سينما، الفصل بين الغزران والكلام في السينما، حاجة ما عندهاش برشا. ولهنا زادة ناخذ الأمثلة إلِّي معروفة، كيما سيباربارغ، ولا لي ستروب، مارغريت دوراس. شنوّة يلمهم هاذم الكل؟ تشوفو شنوّة الي بالحق سينما، هي في حد ذاتها فكرة متع سينما.تفرّق بين إلّي يتشاف وإلِّي يتسمع.. علاش ما ينجّمش يصير هذا في المسرح؟ ينجّم يصير أما يطبّق منغير حتّى استثناء نقولو إلِّي المسرح خذاه من السينما. هي حاجة موش خايبة. أما هي على قد ماهي متع سينما باش تفرّق بين الغزرة والسمع والكلام. إلّي يتشاف وإلّي يتسمع. هذا يجاوب على الفكرة: شنوّة معناها، مثلا، يكون عندك فكرة في السّينما؟ والناس الكل تعرف شنوّة، ولو كان نقولها بطريقتي، صوت يحكي في حكاية وفي نفس الوقت، نحكيو في حاجة ويورّيونا حاجة أخرى جملة. وفي لخّر إلّي يحكولنا عليه هو تحت إلِّي يورّيونا فيه. تفهمو إلِّي لهنا المسرح ما ينجّمش يتبّع. ينجّم يوفّر الزوز احتمالات لولانين: يحكولنا على حاجة ويوريونا حاجة أخرى. أما إلِّي يحكيولنا عليه في نفس الوقتيتحط تحت إلِّي يوريونا فيه، وهذا مهم، ماكانش الحاجتين لولانين ما عاد عندهم حتّى معنى، نجمو نقولو إلِّي الكلام يطلع في الهواء في نفس الوقت إلّي نراو فيه الأرض قاعدة تغطس بالشويّة بالشويّة ولاّ هاك الصوت إلّي طالع في الهواء ويحكيلنا، ولإلّي تحكيلنا عليه ماشي ويغطس تحت التراب.

© 2019 by Wodhoo7. All Rights Reserved

Get notified of our new articles