• Wodhoo7 Translation

شْنُوَّة مَعْنَاهَا خَلِقْ؟ - جزء 8

Updated: Oct 31, 2019

شنوّة معناها خلق؟


كيما قاعدين تشوفو، نتصوّر إلّي تكون عندك فكرة موش معناها فمّة تواصل على كل حال. ولهذا نحب نوصل، خاطرها من الأسئلة إلّي تسألتلي بكل تربية. نحب نقول قداش إلّي نحكيوو فيه ما عندو حتّى علاقة بالتواصل. موش مشكل. شنوّة معناها؟ معناها، حسب رايي، بمعنى أوّلي نجمو نقولو إلّي التواصل معناها تنشر المعلومة وتوصلها. والمعلومة شنوّة هيَّ؟ ماهيش معقدة، والناس الكل تعرفها. المعلومة هي مجموعة متع كلمات يأمرونا بحاجة. وقت نعلموك بحاجة معناها نقولولك إلّي انت لازم تصدقو. بكلام آخر، تعلم يعني تنشر كلمات يأمرو بحاجة. المنشورات متع البوليسيّة، يتسماو وسيلة للتواصل. يتواصلو معانا ويعطيونا معلومة نحن لازمنا نكونو حاضرين باش نصدقوها. إلّي لازمنا نصدقوه ولا ما لازمناش، هوما يطلبو منا باش نعملو راحنا مصدقين. هذي هي المعلومة، التواصل ومنغير الكلمات الي فيهم أمر، ما فماش تواصل وما فماش معلومة. هذا يخلينا نقولو: المعلومة هي بالضبط السيستام الي يراقب فينا.


قاعد نقول في كلام سطحي، صحيح. أما هذا يعنينا اليوم. خاطر دخلنا في مجتمع متع إلّي نجمو نسميوه مجتمع الكونترول. تعرفو، مفكّر كيما ميشال فوكو حلّل زوز أنواع متع مجتمعات قريبتلنا علّخر. وحاد هوما مجتمعات السيادة والسلطة وفمّة المجتمعات متع الانضباط. وإلّي يسميهم هو مجتمعات الانضباط والي توّة ولاو توّة مجتمعات متع سيادة على خاطر فمّة التحولات الي تحبو عليهم الكل. مع نابوليون تعدينا من مجتمع السيادة لمجتمع الانضباط. مجتمع الانضباط، والتحاليل متع فوكو مشهورة برشا، المجتمعات هذي مشهورة بأنها فيها بلايص مسكرة: حبوسات، مدارس، ورشات، سبيطارات. والمجتمعات متع الانضباط كانت مستحقة لبلايص هكّة. أما هذا خلّى القرّاء متع فوكو حايرين شويّة. خاطر مشى فيبالهم إلّي هذيكة آخر حاجة فكّر فيها فوكو.

بالطبيعة لا.

© 2019 by Wodhoo7. All Rights Reserved

Get notified of our new articles